Përpëlitjet e “Severnës” në llumin e nacionalizmit!

Përpëlitjet e “Severnës” në llumin e nacionalizmit!

Bashkimi Europian ka hequr yllin e “Severnës” nga flamuri i saj, pas pezullimit dhe moshapjen e negociatave me qeverinë e kryekomitit Micko, si pasojë e qëndrimit nacionalist dhe refuzimit të “kryerjes së detyrave të shtëpisë” dhe plotësimit të kushteve të parashtruara nga Bullgaria dy vite më parë.

Nga ana e tjetër premieri nacionalist i qeverisë “Severna” vojvoda Micko, lidhur me ngecjen e “drzhavës” në këtë proces ka thënë se “BE po përpiqet të diktojë se çfarë duhet të bëjë vendi i tij dhe ka theksuar se ai nuk do të pranojë vonesa të mëtejshme në bisedimet e anëtarësimit”.

Lajkat e premierit Micko për gjoja përkushtimin e qeverisë së tij dhe përpjekjet e tyre për të hapur negociatat me BE-në, janë një blof i madh para qytetarëve të “drzhavës” dhe autoriteteve të Brukselit vetëm në tre muajt e parë të qeverisjes së komitëve bashkë me VLEN-in dhe ZNAM.

A është kjo qeveria e “Ndryshimit” siç deklaronin vlenistët para tre muajve se me ta në qeverinë e re “Ndryshimi” i madh do të ndodhte jo vetëm për shqiptarët por edhe për maqedonët, turqit, romët, boshnjakët, vllehët etj., pasi ne nuk jemi si ata që u premtuan një jetë më të gjithë dhe nuk ua sollën kurrë?

Ne jemi “Ndryshimi” thoshin vlenistët ngado që shkonin në fushatën zgjedhore të para 8 majit, duke shtuar se ne kemi mbështetjen edhe të Albinit, ndaj duhet të na besoni ne dhe jo ata që u zhvatën dhe ju varfëruan, që ju lanë për dy dekada në mëshirë të fatit dhe nuk u interesuan për ju dhe fëmijët tuaj.

Faleminderit Albin për “kuajt e lodhur” që na propozove, pasi këta nuk tërheqin dot karrocat e tyre e lëre më të shijnë lëmin e mbush me drith shqiptar!
Ata veç menderes së tyre nuk mendojnë për kauzën kombëtare sepse çdo fillim i mbarë duket në 100 ditët e para të qeverisjes dhe se këta kuajt e lodhur të Albinit po japin shenjat e para të rraskapitjes si të kuaj të padobishëm për shqiptarët!

Koha për demagogji kishte ardhur sepse pushtetarët e vjetër kishin dështuar dhe ishte momenti që vlenistët qylaxhinj të sajonin një gjetje të re inovative përpara qytetareve shqiptarë siç ishte “Ndryshimi” me kryekomitin në krye të qeverisë së koalicionit.

Kush mund ta besonte këtë broçkullë të vlenistëve veç qylaxhinjve të saj dhe naivët e radhës për një “Ndryshim” me një komit në krye të qeverisë së ndryshimit?

Pezullimi i balancuesit, paralajmërimi i vendimit nga ana e Gjykatës Kushtetuese për shfuqizimin ligji për gjuhët e pakicave (që u shty për në 11 dhjetor) dhe paralajmerimi i bllokimit të negociatave me BE-në janë tregues të qartë se kjo qeveri nuk mund të sjell “Ndryshimin” e shumëpritur.

A ishte ky “Ndryshimi” që prisnin qytetarët nga qeveria e re apo kjo ishte loja si “kodra pas bregut” për shqiptarët!

Medai Shaholli

REKLAMË

REKLAMË

lajmet e fundit

Netanyahu: Izraeli nuk kërkon të zhvendosë banorët e Gazës, por i lejon ata të largohen nëse duan

Kryeministri izraelit, Benjamin Netanyahu këmbëngul se Izraeli nuk po kërkon të zhvendosë me forcë palestinezët, por thjesht dëshiron t’u ofrojë atyre që janë të...

Ngec treni i “Severnës”, nuk arrinë dot në Bruxelles!

Pas miratimit të rezolutës në Parlamentin Europian për "državën Severna" ku asaj i është ndërprerë rruga europiane, pasi "država" nuk i ka bërë detyrat...

Lista Serbe shpall të suksesshëm peticionin kundër ndërtimit të urave në lumin Ibër

Sipas Listës Serbe peticioni në ditët në vijim do t’u dorëzohet zyrtarisht përfaqësuesve të vendeve të QUINT-it, misionit të KFOR-it, misionit të EULEX-it, Bashkimit...

Çka (s’)na tha policia, pasi një qytetar i vdiq në pranga?

Ismail Tasholli 09.07.2025 Pse është “problem moral” komunikata e policisë? – nëse e kanë shkru vet kuptohet, jena në epokën e Dejonave. Sepse, e narrativizon...

Visar Ademi shpall kandidaturën për kryetar të Komunës së Gostivarit

Visar Ademi ka njoftuar zyrtarisht kandidaturën e tij të pavarur për kryetar të Komunës së Gostivarit. Në një postim drejtuar qytetarëve, Ademi shprehet: 🛑 “Të...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu