Të gjitha emërimet që janë bërë, nuk kanë kaluar nga shumica e anëtarëve te Kryesisë së Degës dhe Komisionit Kadrovik (posedoj edhe procesverbal legjitim nga mbledhja e mbajtur), por janë emëruar direkt nga kryesia qendrore e Lëvizjes Besa dhe satelitëve të saj që bihen në kundërshtim me vendimet e kryesisë së degës LB-GV.
Kështu shkruan në profilin e tij në Facebook, kryetari i Degës së BESËS në Gostivar, Dritan Imeri, ndërsa shton se Lëvizjes Besa – Gostivar i janë bërë padrejtësi duke më anashkaluar dhe fajësuar për emërimet dhe pozicionet që i kanë takuar degës së Lëvizjes Besa në Gostivar.
Statusi i plotë i Dritan Imerit:
Unë Dritan Imeri – Kryetar i Lëvizjes Besa Gostivar, i njoftoj të gjithë anëtarët, aktivistët dhe simpatizantët e Lëvizjes Besa – Gostivar se kohën e fundit i janë bërë disa padrejtësi Degës së Lëvizjes Besa në Gostivar dhe mua si kryetar Dege, duke më anashkaluar dhe fajësuar për emërimet dhe pozicionet që i kanë takuar degës së Lëvizjes Besa në Gostivar.
Ju njoftoj se të gjitha emërimet që janë bërë, nuk kanë kaluar nga shumica e anëtarëve te Kryesisë së Degës dhe Komisionit Kadrovik (posedoj edhe procesverbal legjitim nga mbledhja e mbajtur), por janë emëruar direkt nga kryesia qendrore e Lëvizjes Besa dhe satelitëve të saj që bihen në kundërshtim me vendimet e kryesisë së degës LB-GV.
P.S. E ndjej si obligim moral ta informoj opinionin e gjerë se padrejtësisht fajësohemi dhe sulmohemi unë dhe Kryesia e Degës në Gostivar për përzgjedhjen kadrovike që nuk ka të bëjë me vendimet e Kryesisë së Degës dhe Komisionit Kadrovik.
