Këshilltarët e Manastirit kanë dalë me iniciativë të re – intonimi i himnit maqedonas të bëhet i detyrueshëm në çdo seancë të Kuvendit dhe Qeverisë së Maqedonisë së Veriut, transmeton TV21
Nëse këtë nuk e pranon kryetari i Manastirit, ata ftuan pesë deputetët nga kjo komunë, të dorëzojnë iniciativë në Kuvendin e Maqedonisë së Veriut dhe e njëjta të miratohet.
“Meqë në fillim të çdo seance, me krenari e dëgjojmë himnin maqedonas, dëshiroj dua që pikë e rendit të ditës të jetë – Këshilli të dorëzojë iniciativë deri te Kuvendi i Republikës së Maqedonisë, që në çdo seancë të Kuvendit, të intonohet himni maqedonas dhe para çdo seance të Qeverisë të Republikës së Maqedonisë. Nëse këtë iniciativë nuk na e nënshkruan kryetari i Manastirit, sepse rregullisht na i kthenë pas, i ftoj pesë deputetët Manastirit, të cilët shpresoj se janë patriotë dhe e duan shtetin, të dorëzojnë iniciativë të tillë dhe e njëjta të pranohet”, tha iniciatorja në Këshillin e Manastirit.