Pas reagimit të Arben Sadikut, flet edhe djali i dëshmorit Shenasi Ibrahimi nga Sllupçani
Pas deklaratës së fortë të Arben Sadikut drejtuar eksponentëve të VLEN-it nga Likova, ka reaguar edhe Seid Ibrahimi, djali i dëshmorit Shenasi Ibrahimi nga Sllupçani, duke shtuar një tjetër zë kritik në debat.
Në një koment publik në rrjetet sociale, Ibrahimi shpreh pakënaqësinë ndaj mënyrës se si, sipas tij, po keqpërdoren familjet e dëshmorëve për qëllime politike.
“Sot personalisht kam thirrë personin që e ka mbajt këtë konferencë për media, por nuk mu ka përgjigjë.
Por du me i thanë që boll ma! Boll se na batë horë, e nuk e di a ju ka mbetë pak fytyrë… Meqenëse s’keni pas kurrë fytyrë të sinqertë e të vërtetë. Boll, se ju vret mallkimi i nënave e motrave të dëshmorëve. Boll ma, se ju vret mallkimi i fëmijëve të dëshmorëve.
Mos bëni politik me familjet e dëshmorëve për politikën e juaj të fëlliqur, sepse familjet e dëshmorëve janë të popullit e jo të partive politike,” – shkruan ai.
Ky reagim vjen vetëm pak orë pas deklaratës së Arben Sadikut, vëllait të dëshmorit Beqir Sadiku, i cili akuzoi VLEN-in për hipokrizi dhe përjashtim të qëllimshëm të familjeve të dëshmorëve nga institucionet gjatë 18 muajve të qeverisjes.
Reagimet nga familjarët e dëshmorëve kanë krijuar një valë të gjerë diskutimesh në opinionin publik, me theks të veçantë në moskeqpërdorimin e figurave të luftës për qëllime politike.
