Pse hesht Albini?
Pa dorashka
Qeveria e re e koalicionit të “drzhavës Severna”, e cila pritet të marrë nesër detyrën e re me premier kryekomitin Micko, nuk duket se premton shumë për të ardhmen e qytetarëve sidomos të shqiptarëve që mezi presin ndryshimin.
Por, çuditërisht në krye të ministrisë së komuniteteve etnike vjen një serbomadh si Stoilkoviqi, mik i Vuçiqit dhe i Putinit dhe përkrahës i zjarrtë i politikës së tyre!
Nga ana tjetër, entuziastët e ndryshimit siç janë vlenistët nuk kanë mundur ta kundërshtojnë vendimin e shefit të tyre Micko, i cili ka vendosur tashmë se një putinist do të jetë pjesë e qeverisë së koalicionit të ri.
Nga burime të ndryshme bëhet e ditur se anëtari i ri i qeverisë Stoilkoviq, është agjent i BIA-s serbe!
Ndërsa lajmi për putinistin e vockël mori dhenë, Albini në Prishtinë nuk e prish terezinë se miqtë e tij vlenistë do bashkëjetojnë në Shkup në pallatin e bardhë qeveritar me një agjent të sigurimit serb në katër vitet që do të vijnë.
Albin si kryeministër i Kosovës ka të drejtë të reagojë pranë miqve të tij vlenistë për këtë skandal të ri qeverinë e koalicionit, duke i kërkuar tërheqjen e tyre nga koalicioni në emër të atdhetarizmit dhe të dinjitetit kombëtar se nuk do të ulen në një tavolinë pune me një putinist si Stoilkoviqi!
Por, Albinit nuk i hyn në punë këto mesele se me kë qeveris Micko, por rëndësi ka që VLEN-i është aty qoftë edhe si kozmetikë para opinionit ndërkombëtar, ku pakica shqiptare përfaqësohet nga vlenistët si pjesë e mozaikut të pakicave dhe të multikulturalitetit të “drzhavës Severna”.
Në këtë rast Albini ka zgjedhur të hesht sepse nuk i hynë më në punë VLEN-i as qëndrimi i tyre për “ndryshim” pasi ata i duheshin sa për të fituar prestigjin dhe rolin e liderit rajonal të shqiptarëve si rival i Edvin Ramës.
Pse nuk reagon Albin trimi (ta lëmë Edvinin mënjanë pasi as ai nuk çanë kokën për “maqedonsat” e tej kufirit)
të paktën për t’i sugjeruar miqve të tij te levizjes turkomane VLEN, se nuk duhet të bëhen pjesë e atij koalicion ku brenda saj ka element destabilizues të politikës hegjemoniste serbe?
Albini nuk e çanë trapin nëse në ndryshimet kushtetuese bullgarët do të hyjnë në preambulën e kushtetutës së “Severnës” si pakica bashkë me shqiptarët dhe të tjerët, ku statusi i shqiptarëve si pakicë e papërfillshme nuk do të ndryshojë.
Ahere për çfarë ndryshimi e kanë fjalën vlenistët pasi nuk ndryshon statusi politik i shqiptarëve në kushtetutë?
Kurse për heqjen e 20% të famshëm as që bëhet fjalë.
Si duket zhgënjeu edhe Albini me proçkat e tij pro turkomanëve të pabesë.
Aq e kishte kjo punë dhe s’kishte sesi të ndodhte ndryshe, ku në emër të ndryshimit që në fakt ishte lufta e brrylave me Edvinin për protagonizëm, ai mbështeti turkomanët e VLEN-it që nga nesër do të bashkëjetojnë në një stan me derra për të na sjell ndryshimin!
Nedai Saoli: Pse hesht Albini ndaj miqve të tij të levizjes turkomane VLEN
