Clark: Do të ishte tradhti ndaj Amerikës nëse dhëndri i Trump ndërton memorial në Serbi

Gjenerali amerikan, Wesley Clark, në një intervistë për CNN ka thënë se përfshirja e dhëndrit të Donald Trump, Jared Kushner në një investim në Serbi ku do të ndërtohej edhe një memorial për të kujtuar “viktimat e agresionit të NATO-s” është tradhti ndaj SHBA-së. Clark ka thënë se nuk është kundër investimeve në Serbi, por shprehet kundër ndërtimit të një memoriali të tillë.

Gjenerali amerikan ka thënë se ish-ndërtesa e ushtrisë jugosllave në atë ishte boshe kur ishte goditur nga NATO dhe se bombardimet s’ishin agresion, por kulmi i një përpjekje diplomatike për të bindur Millosheviqin që të mos i vriste shqiptarët e Kosovës.

“Së pari, ajo ndërtesë, me sa dimë, ishte bosh kur e goditëm. Së dyti, nuk ishte agresion i NATO-s, por ishte kulmi i përpjekjeve diplomatike shumëvjeçare për të bindur diktatorin serb Slobodan Millosheviq që të mos vriste qytetarët e tij në pjesën e Serbisë të njohur si Kosovë”, ka thënë Clark për CNN.

Clark e ka përmendur krimin makabër të forcave serbe mbi familjen e Adem Jasharit dhe më pas edhe detyrimin nga ana e NATO-s për bombardim pasi përpjekejt për të bindur Millosheviqin që të ndalte vrasjet dhe krimet kishin dështuar. Clark ka thënë se ndërtimi i një memoriali të tillë do të ishte tradhti ndaj Shteteve të Bashkuara të Amerikës, politikës amerikane, pilotëve amerikanë që kishin marrë pjesë në kampanjën e bombardimeve dhe përpjekjeve diplomatike që ishin bërë për ta bindur Millosheviqin që të ndalte vrasjet dhe masakrat.

“Është naive. Do të ishte tradhti ndaj Shteteve të Bashkuara të Amerikës, politikës tonë dhe djemve e vajzave guximtarë që ishin të përfshirë në atë kampanjë, përpjekjeve diplomatike”, ka thënë Clark për CNN, transmeton Express.

Clark ka thënë se Jared Kushner mund ta ndërtojë hotelin dhe një memorial për të kujtuar të gjitha viktimat, përfshirë edhe të gjitha viktimat shqiptare që u vranë nga shteti i Serbisë përgjatë periudhës së bombardimeve, por jo një kompleks të tillë përkujtimor, meqë s’ka pasur agresion të NATO-s. Gjenerali amerikan ka thënë se ndërtimi i një memoriali të tillë është pjesë e kampanjës së dezinformimit që e bën Rusia dhe ka thënë se shpreson që Jared Kushner të mos përfshihet në ndërtimin e një të tilli./GazetaExpress/

REKLAMË

REKLAMË

lajmet e fundit

Faton Ahmeti për Fatmir Deharin: I dashur mik, ju gjithmonë keni sakrifikuar për një të ardhme më të mirë për gjeneratat që vijnë pas!

Sekretari i përgjithshëm i BDI-së, Faton Ahmeti njëherit shef i shtabit zgjedhorë përmes një postimi ka dhënë mbështetje kryetarit të komunës së Kërçovës, Fatmir...

Shaholli: Vullnetari i ri serbofil për botën serbe!

(Novi srpski dobrovoljac za srpski svijet!) Sikur të mos mjaftonin mbeturinat e botës serbe, që qëndrojnë "shëndoshë e mirë" nëpër rrugët dhe shkollat tona anë...

DPHM: Nga sonte mot i paqëndrueshëm me rrebeshe shiu dhe bubullima, posaçërisht të enjten

Dukuri e izoluar e motit jostabil me reshje të rrëmbyeshme të shiut, bubullima, erë të përforcuar dhe kushte për stuhi do të ketë pasditen...

Shkupjani neutralizoi një person, i cili thoshte se kishte vendosur bo*mbë në avion gjatë një fluturimi në Angli

Zoran Nasteski nga Shkupi, i cili jeton në Angli, ka arritur ta neutralizojë një pasagjer që gjatë një fluturimi nga Luton në Glasgow, kërcënonte...

Egjipti shkatërron pjesë të varrezave 1,200-vjeçare në Kajro për t’i hapur rrugë infrastrukturës moderne

Qeveria egjiptiane ka nisur prishjen e pjesëve të Varrezës Al-Qarafa në Kajro, një nga nekropolet më të vjetra dhe më të përdorura vazhdimisht në...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu