Kryetari i Gjykatës Administrative, Burim Sejdini, në një konferencë për media sonte ka mohuar akuzat se ka bërë presion ndaj gjyqtarëve në Këshillin Gjyqësor që vendosin për paditë e Koalicionit “Fronti Europian” kundër vendimeve të Komisionit Shtetëror të Zgjedhjeve.
Sejdini tha se pretendimet e Arben Taravarit nga koalicioni “Vlen” janë të pavërteta, insinuata dhe shpifje.
“Dalja ime publike sot ka të bëjë me deklaratat publike të Arben Taravari se ai ka dijeni apo informacion se unë si kryetar i Gjykatës po ushtroj presion mbi gjyqtarët, të cilat i konsideroj të pavërteta të plota, si insinuata dhe shpifje për punën time si kryetar i Gjykatës Administrative”, tha Sejdini në konferencën për media në Gjykatë.
Deri më tani, siç tha ai, Gjykata Administrative ka mbajtur katër seanca publike dhe e pesta është në vazhdim.