Nënkryetarja e Partisë Demokartike e Kosovës, Vlora Çitaku ka reaguar ashpër për ndërhyjet e Qeverisë së Kosovës që drejtohet nga Albin Kurti, në zgjedhjet për president në Maqedoninë e Veriut, shkruan Periskopi.
Sipas saj, liderin e VV-së, kryeministrin aktual të Kosovës e pengon cdo gjë që lidhet me luftën e UÇK`së dhe liderët politik të saj. As më pak e as më shumë, se përçarje mes shqiptarëve e ka qaujtur ajo ndërhyrjen e Qeverisë së Kosovës, në zgjedhjet për president të Maqedonisë së Veriut.
“E çka bënë Kryeministri dhe Qeveria e Kosovës sot? Ndërhynë brutalisht në zgjedhjet atje, duke përcarë shqiptarët. Duke shpifur e manipuluar. Sec e ka një mosdurim Kryeministri Kurti për secilin lider politik të UÇK-së”, ka shkruar ajo ndër të tjera.
Regimi i plotë:
Shqiptarët në Maqedoninë Veriore i kanë dalë hakut Kosovës.
Na i kanë hapur dyert dhe zemrat në orët tona më të vështira. Pa kushte.
Për më tepër djem e vajza erdhën dhe me vetmohim luftuan për lirinë tonë. Disa e dhanë edhe jetën.
Dy dekada pas, shqiptarët në Maqedoninë Veriore janë faktorë me peshë. Janë më meritorët për mirëmbajtjen e kursit euroatlantik të vendit të tyre.
E çka bënë Kryeministri dhe Qeveria e Kosovës sot? Ndërhynë brutalisht në zgjedhjet atje, duke përcarë shqiptarët. Duke shpifur e manipuluar.
Sec e ka një mosdurim Kryeministri Kurti për secilin lider politik të UÇK-së.
E turpshme. E mjerë. E rrezikshme.