Këshilltari i Bashkimit Demokartik për Integrim në Komunën e Tetovës Liridon Disha, në një postim në profilin e tijë, ka bërë thirje që të gjithë shqiptarët ti bashkohen Frymës së Ali Ahmetit, sepse nuk bëhet fjalë për pushtet por për Kauzë Kombëtare, shkruan Top24.
Disha poashtu ka potencuar se nuk kanë luftë me partitë të vogla shqiptare por me VMRO-në dhe qarqet nacional-shoveniste të cilat janë kërcënim serioz i shtetit tonë.Top24
Postimi plotë:
Të nderuar vëllezër e motra,
Ne nuk ju kemi bërë thirrje për ta përkrahur Bashkimin Demokratik për Integrim, por Frontin Europian në të cilin janë bashkuar krah për krahu, në momente historike, të gjitha partitë politike shqiptare. Ashtu të bashkuar jemi bërë garancë edhe për grupet më të vogla etnike të cilat na janë bashkangjitur në procesin madhor dhe historik, që për herë të parë të jemi ne ata që e krijojmë qeverinë e jo të jemi vetëm partnerë të koalicionit.
Për 20 vjet Bashkimi Demokratik për Integrim ka qenë partner në koalicion, por nuk ka qenë bartës i qeverisë. Sot, me idenë e Liderit tonë Z. Ali Ahmeti ne po përpiqemi të bëhemi faktor, jo për t’u bërë vetëm partner i një partie maqedone, por për t’i marrë të tjerët në koalicion.
Fryma e Ali Ahmetit duhet te ndjehet në çdo shtëpi shqiptare dhe ajo të transmetohet edhe në shtëpitë tjera sepse është e vetmja mënyrë për tu sjellë qytetarëve tanë progres dhe mirëqenie.
Andaj vëllezër e motra, ne nuk ju ftojmë ta votoni BDI-në, por të bashkoheni me ne në këtë kauzë madhore e cila vendin tonë do ta shndërrojë në oazë paqeje dhe atë do ta shpjerë në Unionin Europian. Ska rëndësi nëse je me partitë tjera. E rëndësishme është ta kuptoni se këndej keni vëllezër e motra të cilët ju mirëpresin në çdo kohë për t’i dhënë jehonë idesë gjeniale të Liderit tonë. Ne nuk kemi luftë me partitë e vogla shqiptare. Lufta jonë është me VMRO-në dhe qarqet nacional-shoveniste të cilat janë kërcënim serioz i shtetit tonë.
Nuk bëhet fjalë për pushtet, por për KAUZË KOMBËTARE, andaj ne kemi qenë të gatshëm që pushtetin ta ndajmë me të gjitha partitë tjera dhe njëherit të bëhemi edhe gardianë të etnive tjera, për t’i dhënë jetë kauzës madhore, anëtarësimit në BE.
S’ka rëndësi çfarë partie je, përkrahe idenë e Ali Ahmetit, sepse vetëm ai e din rrugën e drejtë të atdhedashurisë dhe shtetndërtimit.
#Bashkë
#FrontiEuropian
https://www.facebook.com/share/9naEzESkj75GhT8L/?mibextid=WC7FNe
Liridon Disha: Ne nuk kemi luftë me partitë e vogla shqiptare, Lufta jonë është me VMRO-në dhe qarqet nacional-shoveniste
