Kryetari i Aleancës për Shqiptarët, Ziadin Sela, ka përcjellë një urim të ngrohtë për 28 Nëntorin, Ditën e Flamurit, Pavarësisë dhe të Kombit Shqiptar. Në mesazhin e tij, Sela e cilëson këtë festë si “madhështore”, duke theksuar se kjo ditë përbashkon shqiptarët kudo që janë.
“Një ditë që forcon zemrat e çdo shqiptari, kujton idealin e dëshmorëve dhe heronjve kombëtar, një amanet që na ndjek ndër shekuj,” shkruan ai, duke nënvizuar se flamuri dhe shteti shqiptar mbeten simbole të përjetshme të identitetit kombëtar.
Sela u bëri thirrje shqiptarëve të qëndrojnë të bashkuar përballë sfidave dhe “çdo stuhie”, duke e mbyllur urimin me mesazhin:
“Rroftë Shqiptaria dhe Flamuri Kombëtar!”
Urimi mban nënshkrimin:
“I juaji, Ziadin Sela, Kryetar i Aleancës për Shqiptarët.”