Kryetari i Aleancës për Shqiptarët, Ziadin Sela pas Harqinës sonte ishte i ftuar në Nikushtak të Kumanovës ku është mikëpritur në odën e Efrail Bakiut. Sela në këtë takim ishte i shoqëruar nga sekretari gjeneral, Krenar Lloga, nënkryetari Elmi Aziri, zëvendës ministri Tiron Jajaga, drejtori Driton Nebiu dhe zv.drejtori Mevludin Sinani, shkruan Top24
“Takuam edhe vëllezër që tanimë edhe më fuqishëm po na mbështesin në rrugëtimin tonë. Dëgjuam nga afër hallet që i ndajmë bashkë, këshillat dashamirëse dhe sugjerimet që do të na shërbejnë në këto momente të rëndësishme e vendimtare për të gjithë ne.
Është kënaqësi të dëgjosh nga afër vlerësimet për atë që kemi bërë deri më sot, të përballesh në oda burrash pa pasur drojë nga veprimet e qëndrimet. Kështu do të vazhdojmë çdo ditë, në çdo odë e me çdo qytetarë, për të kuvenduar e vepruar në të mirën e tyre dhe me mbështetjen e tyre.” shkruan Sela. /Top24