Hipokrizia në kryeministri – Mickoski tallet me shqiptarët!
Vetëm pak ditë më parë, kryeministri Hristijan Mickoski mbajti një fjalim të zjarrtë në parlament duke u betuar se është “kryeministër i të gjithëve, pa dallim etnie”. Por realiteti e rrëzoi shpejt këtë fasadë. Sot, ai firmosi 25 punësime të reja në administratë – të gjithë maqedonas, asnjë shqiptar.
Ky akt ka ndezur zemërimin e opinionit dhe është parë si provë e qartë e diskriminimit të hapur etnik nga kreu i qeverisë. Për shumëkënd, Mickoski tregoi fytyrën e vërtetë politike: fjalë të bukura për kamerat, por veprime që përjashtojnë dhe ndajnë qytetarët sipas përkatësisë etnike.
Në vend që të ndërtojë besim dhe barazi, kryeministri po thellon hendekun mes komuniteteve, duke minuar çdo premtim për unitet kombëtar. Ky nuk është thjesht një skandal punësimesh – është një goditje e rëndë ndaj kohezionit shoqëror dhe besimit publik.