Mjeku nga Kumanova, Zekirja Shaini i cili ditë më parë ishte cak i nja atentati, përmes një deklarate hodhi poshtë të gjitha pretendimet se pas atentatit ndaj tij qëndron bashkëshortja e tij Arjeta Adili. Shahini tha se nuk ka njohuri për motivet e atentatit, shkruan Alsat.
“Përmes kësaj deklarata dua të shpalos të vërtetën mbi tentim vrasjes sime. Në lidhje me lajmet që janë përcjell kohëve të fundit nëpër rrjetet sociale, mediat dhe organet e rendit që kanë të bëjnë me plagosjen time unë doktor Zekirija Shaini ndjej detyrim moral dhe profesional që të reagoj publikisht dhe të sqaroj opinionin. Deklaroj se nuk kam njohuri për motivet e këtij atentati, nuk kam hesape të pasqaruara me askënd, askujt nuk i kam cenuar jetën e tij, privatësinë e tij, apo diçka tjetër. Tërësisht i hedh të pabaza dhe të pavërteta pretendimet se pas këtij akti qëndron bashkëshortja ime Arjeta Adili. Andaj urgjentisht kërkoj nga organet hetuese që të sqarojnë situatën rreth zonjës time të përfshirë në këtë rast nga ana e tyre duke respektuar privatësinë tonë familjare e veçanërisht imazhin e zonjës. E gjithë kjo që u përcoll në opinion është shpifje e cila synon të dëmtoj reputacionin tim personal, familjar”, tha Shahini dhe njëherit kërkoi nga organet kompetente që të zbardhin rastin, dhe e vërteta të del në shesh. Ai me apel edhe deri tek politika.
“Apel edhe politikës që ngutet dhe del para organeve kompetente për ta paraqitur këtë rast si ngatërresë familjare, jo vetëm rastin tim, edhe të gjitha rastet e këtilla të mos i sheh si mundësi e përfitimeve të poenave politike, mu në këto momente të zhvillimit të fushatës parazgjedhore me rastin e zgjedhjeve lokale”, u shpreh Zekirja Shaini.
Shahini tha se nuk do t’i ndaloj aktivitetet e tija si në jetën personale ashtu edhe në atë politike dhe se sonte do të merr pjesë si bartës i listës së AKI-së. /Alsat.mk