“Zyrtarisht, unë nuk kam pranuar dokument nga Gjykata”.
Kështu, avokati i Arben Taravarit, Abidin Abduli njofton se nuk janë njoftuar ende, zyrtarisht, se Ziadin Sela është kryetar i ASh-së, siç njoftuan nga krahu i Selës se tashmë për këtë ka edhe vendim nga Gjykata.
Abduli madje njofton se nuk ka pasur as edhe seancë.
“Nuk është mbajtur seancë. Vendimi është sjell pa seancë”, tha Abduli më tej.
Bëri të ditur se për këtë rast janë ndërruar 4 gjykatës, dhe akuzon për presion.
“Patjetër se do të dorëzojmë ankesë. Nuk e dimë se me çfarë baze është sjell ky vendim”, tha Abduli për TV21.