Sibel Halimi nga LDK ka reaguar pas vrasjes së gruas në Ferizaj, ku dorasi dyshohet të jetë ish-bashkëshorti i saj. Përmes një postimi në Facebook ka thënë se veprimet e tilla në Kosovë po bëhet alarmues, ndërsa shteti e shoqëria është indiferent. Sipas saj kjo është edhe arsyeja që gratë po vdesin në duart e shtetit.
‘Vrasja është vetëm vazhdimësia e pranimit të dhunës simbolike që gratë e përjetojnë çdo ditë. Vrasja e grave në Kosovë po merr karakter alarmues, ndërsa reagimi ynë si shoqëri e shtet është indiferent dhe i plogësht! Prandaj, ato vdesin edhe në duart e shtetit!’, shkruan ajo.