Kandidati për kryeministër i Lidhjes Demokratike të Kosovës, njëkohësisht kryetari i kësaj partie, Lumir Abdixhiku, votoi në shkollën “Faik Konica” në Prishtinë, bashkë me gruan dhe dy vajzat.
Ai ftoi qytetarët të votojnë për të vendosur për “fatin e tyre dhe të Republikës së Kosovës” për katër vitet e ardhshme.
“Është ditë e mirë, është ditë e bukur, është ditë e demokracisë. Në këtë ditë të demokracisë ftoj të gjithë qytetarët e Kosovës që të marrin pjesë masivisht në vendosjen e fatit të tyre për 4 vitet e ardhme të tyre dhe të Republikës së Kosovës. I uroj të gjithë votuesit që për herë të parë në këto zgjedhje japin votën për të ardhmen e Republikës”, tha Abdixhiku.