Vazhdon të zgjerohet skandali rreth kandidatit të pavarur me mbështetje VLEN-it dhe VMRO-së për kryetar të Komunës së Strugës, Mendi Qyra. Sipas një mesazhi publik të shpërndarë nga Artan Dika pronari i kompanisë “BLEARTI GROUP” nga Çellopeku i Tetovës, Qyra tashmë 7 vite nuk ka shlyer një borxh prej 45 mijë eurosh, informon Tetovasot.
Borxhi i pretenduar ka të bëjë me shërbime të kryera në një ndërtesë tjetër të ndërtuar nga kompania “Trim” e zotëri Qyrës në lagjen Taftalixhe të Shkupit.
Në mesazhin e publikuar, pronari i “BLEARTI GROUP” thekson se ndonëse është pritur zgjidhje për vite me radhë, pagesa nuk është kryer asnjëherë.
“Mesazhi i pronarit të firmës “BLEARTI GROUP” Çellopek – Tetovë që pohon se kandidati i VLEN-it për Kryetar të komunës së Strugës, Z. Mendi Qyra, tash e 7 vite nuk i’a paguan borxhin prej 45.000 eurosh për shërbimet e kryera në një ndërtesë tjetër të ndërtuar nga kompania “Trim” e Z. Mendi Qyra në lagjen Taftalixhe në Shkup.
Me të kuqe është fshirë një fjalë ofenduese. Mesazhi postohet me miratimin e personit që e ka shkruar. Identiteti i tij është i njohur” ka shkruar DIKA.TS
