⛔️ Në Komisionin Shtetëror Zgjedhor të Maqedonisë së Veriut po zhvillohet një praktikë e rrezikshme: anëtarët maqedonas të KQZ-së po mbivotuan përfaqësuesit shqiptarë, Ditmire Shehun dhe Abdush Demirin, duke marrë vendime në dëm të shqiptarëve.
Vendimet kundër shqiptarëve
Sipas pamjeve të mbledhjes (me duar të ngritura), vendimet po merren unanimisht nga pala maqedonase, duke anashkaluar qëndrimet dhe votën e përfaqësuesve shqiptarë. Konkretisht, anëtarët maqedonas po zbatojnë vendimin e Qeverisë për uljen e numrit të këshilltarëve, edhe pse Gjykata Kushtetuese më 25 qershor 2025 e kishte shfuqizuar metodologjinë e kategorizimit të popullsisë në “rezidentë” dhe “jo rezidentë”.
Kjo sjellje bie ndesh me:
• Nenin 51 të Kushtetutës së RMV-së
• Ligjin për Vetëqeverisjen Lokale, nenet 33 dhe 34
Qëndrimi i Ditmire Shehut
Anëtarja shqiptare Ditmire Shehu, e mbështetur edhe nga Abdush Demiri, kërkoi që KQZ të respektojë ligjin:
“Është kontradiktore që në udhëzuesin për përcaktimin e numrit të këshilltarëve, janë të cekura ligji dhe akti që bien ndesh me njëri-tjetrin. Propozoj që ne si KQZ ta respektojmë Ligjin për Vetëqeverisjen Lokale, nenin 33 dhe 34. Gjithashtu, sipas nenit 51 të Kushtetutës, të gjithë janë të obliguar të respektojnë Kushtetutën dhe ligjet.”
Përgatitje për zgjedhje jo legjitime
Këto veprime ngjallin dyshime serioze se po përgatiten zgjedhje jo legjitime dhe në dëm të shqiptarëve. Anashkalimi i Kushtetutës dhe ligjeve themelore përfaqëson precedent të rrezikshëm për barazinë dhe demokracinë në vend.
(Video: KQZ)