Në Toksikologji, gjatë natës së Vitit të Ri, janë pranuar më pak pacientë krahasuar me vitet e kaluara. Drejtori i klinikës, Dr. Andon Çibishev, informoi se gjithsej 22 pacientë kanë kërkuar ndihmë mjekësore.
“Nga 22 pacientët e kontrolluar, 18 janë me helmime akute nga alkooli. Katër prej tyre janë gra, ndërsa 14 janë burra. Të gjithë pacientët janë liruar për trajtim në shtëpi,” deklaroi Çibishev.
Ai shtoi detaje mbi moshën e pacientëve:
“Pacientja më e re ndër gratë është 17 vjeç, ndërsa më e moshuara është 26 vjeç. Ndër burrat, pacienti më i ri është 14 vjeç, ndërsa më i moshuari është 38 vjeç,” shtoi drejtori.