Tetovarët nga sot do të paguajnë fatura më të shtrenjta për ujë, kanalizim dhe mbeturina.
Shumica e këshillit të komunës së Tetovës e miratoi këtë vendim, ndërsa u arsyetuan se rritjen e çmimeve e bën Komisioni rregullator për energjetikë.
“Për çmimet e ujësjellësit do të ketë rritje të çmimeve, kështu është vendosur nga Komisioni rregullator.”- tha Besar Durmishi – kryetar i këshillit.
Reagoi njëri nga këshilltarët opozitar.
“Udhëheqësia aktuale e Komunës së Tetovës në bashkëpunim me VMRO-DMPMNE dhe Alternativën votuan rritjen e çmimit të grumbullimit të mbeturinave dhe ujit të pijshëm. Kjo nënkupton se faturat tuaja do të jenë më të shtrejnta ndërsa shërbimi do jetë i njëjtë si deri më tani, qyteti përplot me mbeturina dhe me restrikcione të ujit të pijshëm. Kjo udhëheqësi edhe njëherë e dëshmoi se nuk e meriton mbështetjen e qytetarëve”- tha Liridon Disha – këshilltar i BDI-së Tetovë.
Në vend të 16,08 denarë për metër kub ujë, amvisëritë tani do të paguajnë 21,5 denarë për ujin e pijshëm të konsumuar, me propozim të bordit drejtues të KRRE-së