Pas deklaratës së mbrëmshme nga kryetari i Aleancës për Shqiptarët, Arben Taravari, se partia e tij do të garojë e vetme në zgjedhjet lokale të tetorit të këtij viti, kanë nisur reagimet nga pjesëtarët e tjerë të koalicionit VLEN.
Deputeti i Lëvizjes BESA, Adnan Azizi, reagoi përmes një postimi në rrjetin social Facebook, ku shkroi në anglisht:
“Truth always prevails. Let’s go for the next victory.”
(Që në shqip përkthehet: “E vërteta gjithmonë mbizotëron. Le të shkojmë për fitoren e radhës.”.
Ndërkohë, liderët e tjerë të VLEN-it janë mbledhur sot, pa praninë e Taravarit, për të diskutuar rreth hapave të mëtejshëm dhe të ardhmes së koalicionit.
