Mjekja Sevdije Koca ka marrë vendim nga ministri i Shëndetësisë Arben Taravari drejtoresh e spitalit në Dibër, ka konfirmuar për “Shtypin e Lirë”. Bëhet fjalë për të njëjtin person ndaj të cilit MPB ka bërë kallëzim penal në shkurt të këtij viti për “përdorim dokumenti me përmbajtje të rreme”.
Sevdie Koxha e punësuar në Spitalin e Përgjithshëm Dibër, ka marrë një certifikatë false ndërkombëtare për njohjen e gjuhës angleze, të lëshuar nga një shkollë gjuhësore nga Republika e Bullgarisë. Sevdie Koxha ka përdorur certifikatën e njohjes së gjuhës angleze me rastin e aplikimit në konkurs për emërimin e drejtoreshës së ISHP Spitali i Përgjithshëm Dibër, pas së cilës nga Ministri i Shëndetësisë është emëruar ushtruese e detyrës së drejtoreshës së ISHP Spitalit të Përgjithshëm Dibër”, shkruhet në Buletini i Ministrisë së Brendshme të datës 14 shkurt të këtij viti.