Ish-kryenegociatorja e Kosovës për bisedimet me Serbinë, Edita Tahiri, ka reaguar pas mesazhit të presidentit francez, Emmanuel Macron drejtuar Serbisë para nisjes së vizitës atje.
Tahiri ka deklaruar se Macron nuk e përmend askund njohjen e Kosovës nga Serbia, e për këtë ajo thotë se është dështim i Qeverisë në diplomaci.
“Macron ne letren e tij para vizites ne Serbi permend asociacionin por nuk e permend njohjen e Kosoves nga Serbia – ky fjalor i nje anshem i gjithe vendeve te Quintit eshte deshtim i diplomacise se Kosoves – pra qyshse ka filluar dialogu mes Kurtit dhe Vuciqit te gjithe nderkombetaret flasin per obligimet zbatuese te Kosoves dhe jo te Serbise – po ky kori i militanteve te VV-s pse e ka mbyllur gojen per kete ceshtje..?” – ka shkruar ajo në Facebook.
Presidenti i Francës Emmanuel Macron para vizitës në Beograd ka thënë se mbetet i angazhuar për zbatimin e Marrëveshjes së Ohrit dhe krijimin e Asociacionit të komunave me Shumicë Serbe.