Një dron pa pilot i lëshuar nga Hezbollah ka goditur një bazë ushtarake izraelite në Binyamina, në orët e mbrëmjes. Sipas raporteve të para, baza e goditur përmbante sisteme mbrojtëse dhe një sasi të madhe municionesh, duke shkaktuar një numër të madh të plagosurish. Megjithatë, ende nuk dihet numri i saktë i viktimave.
Zëdhënësi i Forcave të Mbrojtjes së Izraelit (IDF), Daniel Hargari, konfirmoi incidentin dhe deklaroi se të gjithë të plagosurit janë dërguar në spitale, ndërsa janë marrë masa për informimin e familjeve të ushtarëve që ndodheshin në bazë.
Hargari shtoi se IDF-ja është në proces të hetimit të ngjarjes, duke theksuar se sulmet me dron janë një kërcënim i vazhdueshëm që nga fillimi i luftës, dhe se nevojitet përmirësim i mëtejshëm i sistemeve të mbrojtjes për të mbrojtur më mirë si ushtarët ashtu edhe qytetarët izraelitë.
Kliko për të parë Videon e shpërthimit!