Fushata për kreun e komunës së Strugës ka nisur me dy stile të kundërta. Mendi Qyra, kandidati i mbështetur nga VLEN dhe VMRO, e ka hapur garën duke u afishuar pranë figurave më të fuqishme të skenës politike – nga kryeministri, te zëvendëskryeministri dhe kryetari i parlamentit, një sinjal i qartë se strategjia e tij mbështetet te ndikimi institucional dhe peshë politike në terren.
Ndërkohë, rivali i tij, Arsim Dalipi i Aleancës Kombëtare për Integrim, ka marrë një qasje tjetër: kontakt i drejtpërdrejtë me qytetarët, vizita në fshatra dhe takime në terren, duke kërkuar të fitojë besimin e votuesve një nga një. Gara në Strugë po formësohet si përballja e dy filozofive të ndryshme të politikbërjes, ndikimi nga lart dhe besimi nga poshtë.
