Jens Stoltenberg iu referua kërcënimeve të fundit të Hezbollahut libanez ndaj Qipros.
Sekretari i Përgjithshëm i Hezbollahut, Hassan Nasrallah tha në fillim të kësaj jave se lëvizja që drejton do të konsideronte ndërhyrjen e Qipros në konfliktin e Lindjes së Mesme duke lejuar Izraelin të përdorte aeroportet dhe bazat qipriote për qëllime ushtarake.
“Qiproja nuk është një aleat i NATO-s. Nuk mendoj se është e drejtë të spekulohet, por mendoj se është e rëndësishme të parandalohet që kjo të ndodhë”, tha Sekretari i Përgjithshëm i NATO-s, Stoltenberg në një intervistë me CNN kur u pyet nëse NATO do t’i përgjigjej një sulmi nga Hezbollahu.
Izraeli miratoi dhe konfirmoi planet operacionale për ofensivën në Liban, shkruan cnn.
Ministri i Jashtëm izraelit, Israel Katz tha më vonë se Izraeli ishte shumë pranë marrjes së një vendimi për të “ndryshuar rregullat” e angazhimit kundër Hezbollahut dhe Libanit.
Zyrtarët izraelitë kërcënuan se do ta shkatërronin lëvizjen në një luftë të gjithanshme në Liban.