Sipërmarrësi kinez i kriptovalutave, Justin Sun, e ka përmbushur premtimin që pati bërë pasi shpenzoi 6.2 milionë dollarë për një vepër arti, duke e ngrënë atë. Një banane e ngjitur në mur ishte vepra artistike e Maurizio Cattelanit.
Në një nga hotelet më të shtrenjta të Hong Kongut, Sun hëngri bananen përpara gazetarëve e influencueseve.
🍌 BREAKING: Justin Sun eats the $6.2M banana art he purchased. pic.twitter.com/3Qj1ANpTYX
— Cointelegraph (@Cointelegraph) November 29, 2024
“Është shumë më e mirë se bananet e tjera”, tha Sun pas kafshatës së parë. “Është vërtetë e mirë”.
Banania u shit në një ankand në New York dhe Sun ishte në mesin e shtatë ofertuesve. Menjëherë pasi fitoi me ofertën më të lartë, ai vendosi se do ta hante bananen.
“Ngrënia e saj në një konferencë mund të jetë po ashtu pjesë e historisë së veprës së artit”.