Zyrtarët amerikanë janë të shqetësuar se në rast të një lufte të plotë midis Izraelit dhe Hezbollahut, grupi militant i mbështetur nga Irani mund të mposhtë mbrojtjen ajrore të Izraelit në veri, duke përfshirë sistemin e mbrojtjes ajrore Iron Dome. Kjo është bërë e ditur për CNN nga tre zyrtarë amerikanë.
“Ne vlerësojmë se të paktën disa bateri Iron Dome do të mbingarkohen,” tha një zyrtar i lartë i administratës.
Frika, për të cilën zyrtarët amerikanë thanë se u është komunikuar atyre edhe nga Izraeli, se Kupola e Hekurt mund të jetë e pambrojtur ndaj arsenalit të madh të raketave dhe dronëve të Hezbollahut, vetëm sa po rriten pasi Izraeli u ka treguar gjithnjë e më shumë zyrtarëve amerikanë se po përgatitet për një inkursion tokësor dhe ajror në Liban.