Nën moton “Marshojmë guximshëm”, nisma qytetare për mbrojtjen dhe promovimin e të drejtave të personave transgjinorë TransFormA së bashku me personat transgjinorë, aktivistët dhe mbështetësit e tyre i kërkuan Qeverisë një të ardhme ku transgjinorët mund të jetojnë lirshëm, të sigurt dhe me dinjitet, përcjell TV21. Marshi i pestë me radhë për personat transgjinorë në Shkup është tregues se transgjinorët refuzojnë të fshihen apo të heshtin dhe vazhdojnë betejën e tyre për t’u pranuar si pjesë e shoqërisë sonë, thuhet në njoftimin e “TransFormA”. Marshi organizohet në prag të 31 Marsit – Ditës Ndërkombëtare të Dukshmërisë së Transgjinorëve.
“Transforma qëndron bindshëm në kontributin e saj që t’u japë respekt të gjithë atyre që i kemi humbur për shkak të dhunës dhe diskriminimit që e shtyjnë bashkësinë transgjinore në margjinat e shoqërisë, njëkohësisht duke u angazhuar për një të ardhme ku personat transgjinorë mund të jetojnë lirshëm, të sigurt dhe me dinjitet”.
https://facebook.com/watch/?v=404758128949796