Nënshtrimi dhe vasaliteti i partiçkave shqiptare ndaj despotëve të Shkupit vazhdon të serviloset prej dekadash me besnikëri të paparë.
Për hir të pushtetit këta puthadorët nuk e kthejnë kokën pas për ato që kanë premtuar dhe zotuar para se të vijnë në pushtet, ku thanë se nuk do të qëndrojmë në një qeveri që nuk i bënë ndryshimet kushtetuese brenda 6 muajve dhe nuk e heq 20% e turpit nga kushtetuta!
Dhe ja ku jemi sot pas një viti me një qeveri që nuk do të lëviz as për një milimetër në nismën për ndryshimet kushtetuese, por përkundrazi, po na vidhisin zgëqeve më të errta të bodrimit qeveritar si numra pa vlerë dhe si lecka të shtrydhur, duke bërë hapa prapa në injorimin e gjuhës ( edhe ashtu e përçmuar në kushtetutë si gjuhë e 20%) shqipe dhe diskrimin e shqiptarëve në punësime mbi baza etnike etj.etj.
Premtimet dhe zotimet e vredistëve ranë njëra pas tjetrës dhe “ndryshimi” u shkri si fluskë sapuni para kryekomitit Micko, se nuk kanë asnjë kusht në programin qeveritar për të kërkuar veç lojalitetit dhe vasalitetit ndaj despotit të tyre.
Çfarë duhet të ndodh më keq e më zi se kaq që begunët e VREDI-it të trimërohen pak dhe t’i thonë kryekomitit Micko: Ndal fushatës antishqiptare se në të kundërtën ne dalim nga qeveria!
Por jo, këtë “mrekulli” nuk e bën dot VREDI, pasi e konsideron si shumë radikale dhe për pasojë humbasin postet dhe privilegjet që i gëzojnë!
Tetori është në prag, ndaj nëse shqiptarët që e kanë kuptuar lojën e ndyrë të “ndryshimit” e kanë rastin për ta ndëshkuar këtë qeveri shoviniste( si edhe ato të mëparëshmet për tri dekada rresht) dhe t’i shpien atje ku shpien kërmat e kafshëve të ngordhura.
Në të kundërtën, “zgjedha e skllavërisë” nuk do të na hiqet nga qafa!
Medai Shaholli