Reagimet në rrjetet sociale nuk po ndalen pas një gjëje jo fort të zakonshme që ndodhi në Serbi.
Radio Televizioni i Serbisë, e ka paraqitur flamurin e Kosovës gjatë një transmetimi live.
Ishte Milan Canak, djali i politikanit serb Nenad Canak ai që publikoi fotografinë, duke rrethuar kështu flamurin e Kosovës dhe duke pyetur nëse Serbia me këtë veprim e ka njohur Kosovën.
“RTS njohu drejtpërdrejt shtetin e pavarur të Kosovës. Mirë për RTS. Cili flamur mendoni se është i radhës”, pyeti Milan Çanak në rrjetet sociale.
Komentet ishin të shumta, e ndryshe nga deklarimet që i bën presidenti serb Aleksandar Vuciq.
Shumica e atyre që ripostuan postimin e Canakut, ishin pro këtij veprimi dhe të lumtur që tashmë Kosova po njihet si shtet i pavarur.
“E radhës është Vojvodina. Për Kosovën dihet se është e pavarur. Nuk është e rëndësishme cka mendon e thotë Serbia”, ishte njëri ndër komentet”
“Asgjë nuk ka këtu gabim, shpresojnë që kështu ndodh edhe me Vojvodinën:, shkruan një koment tjetër.
Kujtojmë, të hënën në mbrëmje futbollistët e Kosovës kanë mposhtur Lituaninë me rezultat 1:0, në grupin 2, divizioni C i Ligës së Kombeve.
