E Aleanca për Shqiptarët e drejtuar nga Ziadin Sela mbajti një konferencë të posaçme për media kushtuar 27 prillit, përcjell TV21. Sela, ndër deputetët që e mësuan më rëndë nga dhuna e ushtruar në Kuvend, u shpreh se ajo ditë ishte shkëndija për shumë procese që deri atë kohë ishin të bllokuara, si perspektiva e zgjidhjes së çështjes së emrit, që çoi më pas në anëtarësimin në NATO. 27 prilli, sipas Selës, është edhe dita ku nisi të jetësohet sjellja e ligjit për përdorimin e gjuhëve, ligj që siç u shpreh, nuk është i kompletuar. 27 prillin, kreu i ASH-së e lidhi edhe me zgjedhjen e kryeparlamentarit të parë shqiptar.
“E natyrisht që 27 prilli ka edhe simbolikën e zgjedhjes për herë të parë shqiptar në një nga pozicionet e shtetit. Nuk e kam fjalën për emra të përveçëm, por po flas për momentin kur një nga pozicionet kryesore të shtetit u zgjodh shqiptar – kryeparlamentari i parë shqiptar. Tani keni vërejtur që edhe më pas janë zgjedhur kryeparalmentar shqiptarë, fatkeqësisht në mesin e atyre që më 27 prill që kishin mundësinë që të jenë aty, që kishin mundësinë që të jenë po ata që vendosën një nga pozicionet e shtetit të jetë shqiptar, por fatkeqësisht zgjodhën të ishin ikanakë dhe pastaj ta gëzojnë këtë pozicion”, tha Ziadin Sela, kryetar i ASH.