E kryetari i Lëvizjes Populli, Skender Rexhepi Zejd, në emisionin 10MINUTA tregoi arsyen se çfarë e bashkoi me BDI-në e Ali Ahmetit. Ai tha se rrugëtimet politike janë procese të rënda.
“Çfarë ju bashkoi me z. Ahmetin, sepse më herët dihet që jeni pasur edhe dallime edhe kritika ndaj tij?
Rrugëtimet politike janë procese të rënda. Nuk janë procese që kanë të bëjnë me çështjet ditore por kanë të bëjnë me rrugëtime afatgjate dhe synime të cilat konsiderohej se përparësi i jep ardhmërisë së shoqërisë, të rinjve, para egos personale. Është e vërtetë që karrierën time 9 vjeçare , prej themelimit të Besës, deri më sot kam kaluar duke qenë opozitar i BDI-së dhe për asnjë vepër nuk jam pishman, e kam besuar atë që e kam thënë, qëndroj pas çdo fjalie që e kam thënë atëherë.
(1.59) Këtë rrugëtim, që e kemi marrë bashkë me BDI-në, në këtë rast në Frontin Europian, jam këtu sepse e besoj, dhe nuk do bëhem pishman as sot, as nesër, sepse e besoj që ky front e ka kapacitetin e vet edhe politik edhe menaxhues”, tha Rexhepi.
Emisionin e plot me z. Rexhepin do te mund ta ndiqni menjëherë pas edicionit të lajmeve, në ora 19:00.