Në fshatin Luboten është mbajtur protestë për të kundërshtuar punimet e filluara nga ana e Nexhmedin Fazliu, pronar i autoshkollës Ardi, i cili siç thanë banorët për dy vite po terrorizon psiqikisht një fshat të tërë me veprimet e tij. Rexhep Imeri, kryetar i Bashkësisë Lokale të Lubotenit, theksoi se kjo tokë i takon fshatit mirëpo Fazliu, e ka uzurpuar këtë tokë për përfitime personale. Kjo siç tha Imeri, shihet nga kontrata dhe procesverbali i mbajtur nga njerëz në zyrat e tyre pa mos e verifikuar se si qëndron çështja në realitet me tokën.
Kryetari i Bashkësisë Lokale theksoi se kjo tokë edhe pse ka qenë në koncesion të Nexhmedin Fazliu, ai nuk ka punuar asgjë, madje kur është dashur të bëhet park nga ana e fshatarëve ai ka ndërhyrë duke thënë që do ta punojë tokën.
Rexhep Imeri, kryetar i Bashkësisë Lokale të Lubotenit
“Kjo mënyrë e shfrytëzimit të kësaj toke ka vazhduar deri në fund të vitit 2022, edhe pse personi Nexhmedin Fazliu, e ka patur në koncesion tokën, ai as edhe një sekond nuk e ka punuar këtë tokë. Që nga fillimi i vitit 2023 kur me vetëfinansim dhe vetë iniciativë ne si fshat pastruam vendin për të bërë një park të bukur për ta shfrytëzuar të gjithë qytetarët, në këtë rast u paraqit personi i lartëpërmendur duke paguar njerëz për të krijuar probleme mes fshatarëve dhe kinse për të filluar të punojë.”
Për të mos krijuar probleme mes fshatarëve, ata thanë që për zgjidhjen e kësaj çështje e filluan rrugën procedurale me dokumentacione për të prishur kontratën e koncesionit të Fazliut me të drejtë. Edhe pse kërkesat u dërguan dhe takimet u mbajtën, ata potencuan se prap nuk morën përgjigje ashtu siç duhet.
Rexhep Imeri, kryetar i Bashkësisë Lokale të Lubotenit
“Në takimin që kishim me ish ministrin e bujqësisë Lupco Nikolovski si dhe drejtorin e inspektoriatit të bujqësisë Jane Stankovski, u dakorduam se ka pika në të cilët mund të prishet kontrata por ajo ishte vetëm fjalë momentale sepse i njëjti ministër nuk bëri asgjë, madje edhe vlersoi se toka duhet t’i jepet atij.”
Kryetari i Bashkësisë Lokale, theksoi se Fazliu po gënjen duke thënë se do të ndërton her poligon, restorant ose pompë të benzinës.
Edhe pse sot protesta ishte e qetë përseri forcat e policisë ishin të pranishëm ndërkaq, për protestat e ardhshme, banorët theksuan se nuk do të jenë të përgjëgjshëm se çfarë do të mund të ndodhë.