Moderatorja dhe këngëtarja e njohur Luana Vjollca ka festuar ditëlindjen me një atmosferë familjare, pranë motrave dhe nënës së saj. Ajo ndau në rrjete sociale momente nga festa intime, por një detaj i veçantë i postimeve ndezi thashethemet për jetën e saj private.
Në mesin e shumë stories, Luana publikoi një foto që duket se përkon me një postim të mëparshëm të ish-partnerit të saj, biznesmenit Krenar Çoçaj. Ky përputhje vizuale nuk kaloi pa u vënë re nga ndjekësit, të cilët e lidhën menjëherë me mundësinë e një ribashkimi.
Më intriguesi ishte mbishkrimi që Luana vendosi mbi foton: “Mine / I imi”. Ky detaj u lexua nga fansat si një sinjal i qartë dhe mjaftoi për të ngritur pikëpyetje mbi statusin e marrëdhënies së saj me Çoçajn.
Për momentin, asnjëri prej tyre nuk ka bërë deklarata publike, duke lënë gjithçka në nivel thashethemesh e interpretimesh. Megjithatë, ky “hint” ka ndezur diskutime të shumta në rrjete sociale mbi një rikthim të mundshëm të çiftit.
Luana Vjollca ndez dyshimet për ribashkim me Krenar Çoçajn
