Dubai pritet të bëhet sërish qendër e vëmendjes me një projekt futurist prej 5 miliardë dollarësh: një resort në formë Hëne, i propozuar nga kompania kanadeze Moon World Resorts Inc..
Sipas planeve, struktura do të jetë një sferë gjigante me lartësi rreth 224–274 metra, më e ulët se Burj Khalifa, por që premton të kthehet në një nga ikonat e reja të qytetit. Projekti përfshin 4,000 suita luksoze, 300 vila private “Sky Villas”, një arenë me 10,000 vende, një zonë të veçantë “koloni hënore” për simulime hapësinore, si dhe qendra spa, klube nate, restorante dhe hapësira edukative STEM.
Megjithatë, ky resort mbetet për momentin një projekt konceptual. Ndërtimi ende nuk ka nisur dhe vizualet që qarkullojnë janë renderime arkitektonike. Nëse merr miratimin dhe financimin e plotë, hapja parashikohet deri në vitin 2027.
Ky është një tjetër shembull i ambicies së Dubait për të bashkuar luksin, teknologjinë dhe turizmin, duke sjellë “Hënën në Tokë”. 🌙✨