“Është tmerr”, kështu i përshkroi kolonat në Bllacë, deputeti Bekim Qoku që sipas tij, është e papranueshme dhe acaruese të pritet kaq gjatë në kufi, përcjell TV21. Qoku tha se, marrëveshja me Kosovën duhej të zbatohej më 1 janar por që ka probleme teknike dhe shtoi se, shumë shpejt të realizohet sistemi One stop shop por siç tha, vonesat po bëhen në palën e Maqedonisë.
“Mundohem sa më shumë mos e përdor pasaportën diplomatike se dua ta ndjej tmerrin që po ndodh në kufi, është vërtetë e papranueshme. Është acaruese që duhet të pritet kaq gjatë në kufi. Ne kemi një marrëveshje ndërqeveritare që duhej të zbatohej me 1 janar po siç duket ka vështirësi në anën teknike. Unë jam përpjekur dhe liderët e VLEN-it, që të ndikojnë dhe të realizohet sa më shpejtë ky One stop shop në vendkalimet kufitare dhe besoj që shumë shpejt do të bëhet dhe do instalohet. Pala kosovare është moti gati, presim anën e Maqedonisë së Veriut që nuk e di pse janë më të ngadalshëm. Besoj që shumë shpejt do të realizohet ky projekt dhe do të kemi një lehtësim të qarkullimit me Kosovën. Për informacion, do të jetë ndryshe nga ajo me Shqipërinë”, tha Qoku.