Putini i ofron minerale të rralla SHBA-së

Presidenti rus, Vladimir Putin, ka deklaruar të hënën se është i hapur për t’u ofruar Shteteve të Bashkuara të Amerikës (SHBA) qasje në mineralet e rralla të Rusisë, duke përfshirë edhe ato të territoreve ukrainase që Rusia i ka pushtuar prej fillimit të luftës 3-vjeçare, shkruan BBC.

Oferta e Putinit, shihet si alternativë e marrëveshjes për mineralet e rralla midis SHBA-së dhe Ukrainës, e cila sipas presidentit amerikan, Donald Trump, dhe zyrtarëve të tjerë ukrainas është afër finalizimit.
Në një prononcim për televizionin shtetëror të hënën, Putini ka thënë se është i gatshëm të “ofrojë” burime për partnerët amerikanë në projekte të përbashkëta, përfshirë edhe burimet në “territoret e reja” – referencë kjo e pjesëve lindore të Ukrainës që Rusia i ka okupuar prej se ka nisur operacionin ushtarak në shkallë të gjerë.

Ai ka shtuar gjithashtu se një marrëveshje e mundshme midis Amerikës dhe Ukrainës për mineralet e rralla nuk është shqetësim dhe se Rusia “s’ka dyshim që ka, më shumë burime të këtij lloji se Ukraina”.
Mineralet e rralla janë një grup prej 17 elementesh që janë thelbësore për shumë lloje të teknologjisë, duke përfshirë celularët, disqe e për pajisje për automjetet elektrike dhe hibride.

Presidenti ukrainas, Volodymyr Zelensky, e kishte refuzuar propozimin fillestar amerikan për të kontrolluar 50 për qind të mineraleve të rralla të Ukrainës, për arsye se propozimi nuk përmbante angazhimet e pritura që do të ofronin garanci sigurie në rast të armëpushimit midis Ukrainës dhe Rusisë.

REKLAMË

REKLAMË

lajmet e fundit

Erdogan falënderon Trump për armëpushimin dhe paralajmëron monitorim të afërt të marrëveshjes

Presidenti turk, Recep Tayyip Erdogan, ka shprehur falënderimet e tij të veçanta për presidentin amerikan, Donald Trump, për “vullnetin politik të nevojshëm” që nxiti...

Ja pamjet se si u arrestua ish-punëtori i UDB-së, Fatmir Sheholli (VIDEO)

Policia e Kosovës në bashkëpunim të ngushtë me AKI-në dhe prokurorinë ka arrestuar sot Fatmir Shehollin, me dyshimet e bazuara për përfshirje në spiunazh. “Pas...

Çfarë dimë për ‘fazën e parë’ të marrëveshjes së paqes në Gaza

Udhëheqësit botërorë u kanë kërkuar palëve që t'i përmbahen marrëveshjes Presidenti i SHBA-ve, Donald Trump, ka bërë me dije se Izraeli dhe Hamasi kanë rënë...

Arrestohet Fatmir Sheholli, dyshohet për spiunazh

Ministri në detyrë i Punëve të Brendshme paralajmëron ndjekje pa kompromis të të gjithë agjentëve që veprojnë kundër Kosovës. Policia e Kosovës ka arrestuar ish-drejtorin...

Blerant Ramadini: Gratë e Sarajit janë zemra e ndryshimit – takim madhështor me Forumin e Gruas të AKI-së

Kandidati për kryetar të Komunës së Sarajit nga Aleanca për Komb dhe Integrim (AKI), Blerant Ramadini, ka zhvilluar një takim madhështor me Forumin e...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu