“Vendime të Millosheviqit”.
Kështu i quante kryeministri i vendit, Albin Kurti vendimet e Gjykatës Kushtetuese të Kosovës në lidhje me pronat për Manastirin e Deçanit, shkruan lajmi.net
Unë e kuptoj që Manastiri i Deçanit duhet të ketë një hapësirë, unë e kuptoj që kanë nevojë për qetësinë e ambientit, ndihmën e Qeverisë së RKS-së, mirëpo ne kemi rezervën e zakonshme për vendimet e regjimit të Millosheviqit, të cilat për bindjen time janë pranuar nga Gjykata Kushtetuese, e cila e ka trajtuar një lëndë pa kaluar në faza të zakonshme. Me ç’rast nuk duam t’i dominojmë, por në të njëjtën kohë besoj se duhet të hasim në mirëkuptimin e tyre, se vendimet e regjimit të Millosheviqit nuk mund të jetojnë në shekullin tonë”, thoshte Kurti në një intervistë në RTK në shkurt të vitit 2022
Por siç duket, i pari i Qeverisë së Kosovës po i zbaton këto “vendime të Millosheviqit”.
Ai sot në mbledhjen e qeverisë, ka bërë me dije se është urdhëruar Agjencia Kadastrale e Kosovës, të zbatojë vendimin e Gjykatës Kushtetuese që t’ia njohë Manastirit të Deçanit të drejtën në pronë në 24 hektarë.
Kryeministri Albin Kurti ka thënë se këtë vendim e ka marrë për ta hequr si kusht për pranimin e Kosovës në Këshill të Evropës. /Lajmi.net