Nga Ministria e Punëve të Brendshme njoftojnë se kanë parashtruar kallëzim penal ndaj policit nga Radovishi me iniciale M.K. dhe gruas me iniciale A.D., gjithashtu nga Radovishi. Polici në fjalë, bashkë me gruan, kanë gjuajtur në një aheng me armë zyrtare. Departamenti për Kontroll të Brendshëm në MPB do të kërkojë që polici të largohet nga puna.
“Me datën 25.07.2024, rreth orës 00:00 në oborrin e shtëpisë në Radovish, i raportuari i parë, M.K., zyrtar policor në Departamentin e Policisë në Radovish, i cili nuk ishte në punë, me pistoletën e tij zyrtare ka shtënë në ajër pesë plumba, pas çka e raportuara e dytë, A.D. duke e mbajtur armën, së bashku me të denoncuarin e parë, kanë qëlluar me katër plumba në ajër, duke shkaktuar rrezik për jetën dhe trupat e të pranishmëve. Ngjarja është regjistruar me celular nga një person i tretë, i cili ia ka dërguar regjistrimin A.D., e cila e ka publikuar në një rrjet social”./TV21