Përkundër se 100% e nxënësve në shkollën ’25 Maj’ janë shqiptarë, Ministria e Arsimit dërgon pyetësorët në gjuhën maqedonase, hesht Zv. Ministri Lulzim Aliu
Në Hasanbeg, në shkollën “25 Maj”, nxënësve nga klasa e parë deri në të tetën u është dërguar një tekst ose test, i cili është vetëm në gjuhën maqedonase. Ky veprim ka shkaktuar shqetësim, pasi Ministria e Arsimit duhet të respektojë ligjin e gjuhëve dhe të sigurojë që materialet shkollore të jenë në përputhje me këtë ligj. Pyetja që lind është: A është ky një veprim i ligjshëm dhe a përputhet me normat që parashikon ligji i gjuhëve? Nga ana tjetër, as VLEN nuk ka marrë përgjegjësi për këtë çështje, duke lënë hapësirë për dyshime dhe shqetësime në lidhje me respektimin e ligjit.
