Me një donacion prej rreth 800 mijë euro, ka filluar rikonstruimi i gjimnazit “Kiril Pejçinoviq” në Tetovë. Deri këtu në rregull, nëse kryetari i Tetovës, Bilall Kasami, kryeministri Hristijan Mickoski dhe ministrja e Arsimit do të tregonin emrin e donatorit.
Kryeministri Mickoski, pa përmendur emër, deklaroi se ky është një donacion nga një kompani me përgjegjësi shoqërore që, tha, i ka dhuruar edhe një objekt në këtë shumë dhe komunës së Tearcës për relizimin e një projekti për kanalizime që duhet të përfundojë me një stacion pastrimi.
“Ky është një akt i emocioneve dhe kënaqësisë së madhe, sepse nga ky gjimnaz kanë dalë shumë profesorë, shkencëtarë dhe kryetar komune, deklaroi Mickoski.
Njëjtë sikurse Mickoski, edhe kryetari i Tetovës, Bilall Kasami, nuk e përmendi donatorin, por tha se me riokonstruimin, gjimnazi “Kiril Pejçinoviq” do të marrë një pamje krejtësisht të re dhe kushte të reja për nxënësit.
Në ndërkohë, në media po qarkullon lajmi se donatori i 800 mijë eurove është një kopmani serbe e afërt me VMRO-në, ndërsa si kompensim për rikonstruimin e gjimnazit “Kiril Pejçinoviq”, komuna e Tetovës do të duhet të japë leje për ndërtimin e Kishës në Malin Sharr.