Irani i ka kërkuar Donald Trumpit nëpërmjet ndërmjetësve që të ushtrojë presion mbi Izraelin që të bjerë dakord për një armëpushim me Teheranin, raporton Reuters.
Agjencia e lajmeve citoi dy burime iraniane dhe tre burime rajonale të cilat thanë se Irani i kishte kërkuar Omanit, Katarit dhe Arabisë Saudite t’ia bënin kërkesën presidentit amerikan.
Irani është i gatshëm të jetë fleksibël në bisedimet bërthamore nëse arrihet një armëpushim, tha një nga burimet iraniane.
Zhvillimi vjen pasi burime i thanë The Ëall Street Journal se Irani ka sinjalizuar se do të ishte i hapur për t’u rikthyer në tryezën e negociatave nëse SHBA-të nuk bashkohen në sulme.
Vetëm pak çaste më parë, Izraeli raportohet se ka goditur një bazë të rëndësishme ushtarake në periferi të Teheranit, që ndodhej e fshehur në tunele të nëndheshme.