Kandidati për president nga Fronti Evropian, Bujar Osmani, sot ka dërguar një mesazh për liderin e VMRO-DPMNE-së, Hristijan Mickoski. Mickoski ka akuzuar Osmanin se nuk është konsultuar me ta kur e ka pranuar propozimin francez.
“Politika e VMRO-DPMNE-së është tradhti ndaj SHBA-së dhe BE-së dhe ndaj qytetarëve të saj. Çdo maqedonas që merr pasaportë bullgare e bën këtë për shkak të politikës së tyre, dhe le të shkojë të kërkojë përgjegjësi prej tyre sepse nuk është e lehtë për çdo njeri, futuni në vendin e atyre qytetarëve që shkojnë në Sofje me kokën ulur dhe shkruhen si bullgarë”, tha Osmani i pyetur nga TV21.
Ai paraprakisht tha se është i gatshëm të ndalojë fushatën dhe të shkojë në selinë e VMRO-DPMNE-së dhe t’ua paraqesë propozimin francez dhe Kornizën Negociuese.