Sot me iniciativë të mësimdhënësve të shkollës fillore komunale Liria në Tetovë, dhe me ndihmën e prindërve, nga duart e nxënësve janë krijuar punime me qëllim që të njejtat të shiten dhe të hollat e grumbulluara t`ju dhurohen familjeve në nevojë gjatë muajit të Ramazanit.Qëllimi kryesor është bamirësia për skamnorët në prag të muajit të shenjtë të ramazanit tha drejtoresha e shkollës Liria Farije Kasami.
Në ndërkohë, prindërit janë shprehur të lumtur që fëmijët janë pjesë e këtyre organizimeve që kanë për qëllim të ndihmojnë ata që janë në nevojë. Përkrahja për këtë kategori nuk duhet të mungojnë asnjëherë.
Vlen të theksohet se panairi i sotëm i bamirësisë me punime të ndryshme kreative të nxënësve ka ngjallur një interesim të madh tek prindërit dhe qytetarët e Tetovës, të cilët kanë blerë punimet e tyre, ndërsa më pas mjetet e grumbulluara do të kenë destinim humanitar. Punimet e nxënësve ishin të ndryshme ndërsa janë ekspozuar në oborrin e shkollës fillore në Tetovë.Tv Koha