Tetovë – Aktori i njohur nga Tetova, Hasim Sopi, ka publikuar një status ironik në rrjetet sociale që është interpretuar si goditje e drejtpërdrejtë ndaj kryetarit aktual të Komunës së Tetovës.
Sopi, në stilin e tij karakteristik dhe me nota të theksuara sarkazme, ka ndarë një përjetim nga një event kulturor, duke shkruar:
“Nji ditë në nji event kulturor nji politikan më tha: faleminderit që na bëni të qeshim.
I thash: ne më rrallë, ju më shpesh na bëni të qeshim. 😅😅😅”
Statusi është shpërndarë gjerësisht në rrjet, duke nxitur reagime dhe diskutime rreth qasjes së politikanëve lokalë ndaj artit dhe realitetit qytetar.
Ndonëse Sopi nuk përmend emra, ndjekësit e tij dhe komentues të shumtë e kanë lidhur direkt me kryetarin e Tetovës, duke e cilësuar si një “goditje elegante dhe të merituar”.
Kjo nuk është hera e parë që figura të njohura artistike përdorin humorin për të kritikuar realitetin politik në qytet.