Avokati Janaki Mitrovski përmes profilit të tij në Facebook ka ndarë informacione tragjike se në vetë Gjykatën Civile, praktikisht gjatë gjykimit ka vdekur një koleg avokat.
“Kam qenë dëshmitar i një situate jashtëzakonisht të pakëndshme. Në pritje të gjykimit në katin e parë të Gjykatës Civile të Shkupit në orën nëntë të mëngjesit, papritmas u dëgjua një zhurmë e madhe dhe një koleg avokat u rrëzua përtokë para syve të mi. Vrapuam më shumë njerëz, i hodhën ujë, por kolegu u mavijos në fytyrë dhe nuk u rikthye në jetë. Një koleg tjetër nuk ia gjeti dot pulsin. Ata thirrën një ambulancë e cila, dorën në zemër, erdhi për gjashtë minuta, por fatkeqësisht nuk arritën ta ringjallin dhe burri vdiq në vendin e punës. I qoftë i lehtë dheu”, ka shkruar Mitrevski pa bë të ditur emrin e kolegut të tij.
“Unë me të vërtetë dua të paralajmëroj, pavarësisht nga të gjitha stereotipet e neveritshme që ekzistojnë për profesionin e avokatit, se është një profesion jashtëzakonisht stresues që merr tatimin e vet në baza ditore. Paragjykimet se hap zyrë dhe paratë bien nga qielli, realiteti është diametralisht i kundërt dhe buka e avokatit është shumë e hidhur. Dua t’u bëj thirrje edhe kolegëve më të vjetër (kolegu i ndjerë ishte 68-70 vjeç) se nuk ka nevojë të punohet deri në vdekje. Personalisht, nuk kam ndërmend të ushtroj profesionin e avokatit pasi të kem mbushur moshën pesëdhjetë e dy ose tre vjeç. Isha shumë i mërzitur dhe jam akoma, lavdi e përjetshme kolegut dhe ngushëllime familjes”, shkruan ndër të tjera Mitrovski.