Ndërprerjet e energjisë elektrike dhe paralajmërimi për sulme, Çitaku: Turp kryeministër, në vend të zgjidhjes po mbillni frikë
Ndërprerjet e energjisë elektrike dhe paralajmërimi për sulme, Çitaku: Turp kryeministër, në vend të zgjidhjes po mbillni frikë
Sekretarja e Përgjithshme e PDK-së, Vlora Çitaku, ka thënë se në vigjilje të festave të fundivitit qytetarët e Kosovës pranuan dy dhurata nga Qeveria Kurti.
Ajo ka thënë se dhurata e parë ka të bëjë me ndërprerje të gjata të energjisë elektrike.
Në profilin e saj në “Facebook”, ajo ka shkruar se dhurata e dytë kishte të bënte me paralajmërimet e Kurtit për sulme të reja nga Serbia.
“Dje në vigjile të Kërshëndellave, qytetarët e Kosovës pranuan dy “dhurata” nga qeveria. E para, ndërprerjet e gjata të energjisë elektrike shoqëruar me faturat astronomike për qytetarët tanë, dhe e dyta, paralajmërimet apokaliptike të Kryeministrit për sulme nga Serbia. Pra, mantra e vetme operuese e kësaj kaste udhëheqësish është mbjellja e pasigurisë, paparashikueshmërisë, dhe frikës. Turp kryeministër. Keni ardhë në detyrë me mandat të fuqishëm për të zgjidhur probleme, jo për tu bërë falltor. Kryeministër, detyra e juaj është t’i mbani dritat ndezur, t’i parandaloni sulmet, dhe të krijoni ambient të sigurtë. E jo të na thuani “shujë, se mundet me u ba edhe ma keq”. Jo. Kosova mundet ma mirë”, ka shkruar Çitaku.