Naim Bajrami do të jetë propozimi i ri i ASH-së për ministër në MSHIA

Naim Bajrami do të jetë propozimi i Aleancës për Shqiptarët për ministër në Ministrinë e Shoqërisë Informatike dhe Administratës, përcjell TV21. Ministër aktual në MSHIA është Azir Aliu, i cili pas ndarjeve në ASH, u rreshtua në anën e kryetarit të partisë, Arben Taravari, përcjell TV21. Nga ASH dje përmes një komunikate njoftuan se Komisioni kadrovik i ASH-së vendosi t’i propozojë kryeministrit shkarkimin e dy ministrave që vijnë nga radhët e saj, atë të Shoqërisë Informatike dhe Administratës Azir Aliu dhe Ministrin e Shëndetësisë Fatmir Mexhiti. Kujtojmë se shkarkimin e ministrave duhet ta bëjë Kuvendi i Republikës së Maqedonisë së Veriut.