Mustafa Hajrullahi, i cili ishte shef i Prokurorisë së Lartë të Shkupit njoftoi se ka parashtruar kallëzim penal kundër Ljupço Kocevskit, prokuror publik i Republikës së Maqedonisë së Veriut, Tatjana Kacarova, prokurore publike në Prokurorinë Publike Shtip, Risto Bojaxhiski, prokuror i lartë publik në Prokurorinë Publike Shtip dhe Ermon Neziri, anëtar i Këshillit të Prokurorëve Publikë për veprën penale Keqpërdorim i pozitës dhe autoritetit zyrtar sipas nenit 353 të Kodit Penal, transmeton Portalb.mk.
Mustafa Hajrullahi, u pezullua nga detyra dhe në një konferencë për media ka akuzuar se kallëzimi penal kundër tij nga prokurori publik republikan ka tendencë për ta larguar dhe heshtur, si dhe për të frikësuar edhe kolegët e tjerë që veprojnë në përputhje me ligjin, dhe të gjitha me qëllim, siç tha ai, për të marrë vendime të urdhëruara.